La Policía espía la rede

Ayeri l'axencia de noticies Colpisa espardió un comunicáu en que se reconocía que la Policía y la Guardia Civil taben investigando l'actividá de dellos sitios web rellacionaos col movimientu antiglobalización énte la posibilidá de que tuvieren sirviendo pa entamar actos de protesta con motivu de los importantes conceyos que tendrán de cellebrase con motivu de la presidencia española de la UE. El parte de Colpisa, que recoyeron dellos periódicos del estáu, diz que webs son los que tienen esmolecíes a les fuerces de seguridá, citando a Indymedia Barcelona, Nodo50, Rebelion, SinDominio, LaHaine y Observatotiu Global como ñeros de los violentos antiglobalizadores. La Policía española diz que en Xénova a la seguridá italiana desbordáronla porque nun remanaba la información, mientres qu'ellos nun van tener esi problema porque tan al tantu de lo que pasa.