La Pola Siero acueye'l VII Congresu Nacional de Repunantes
|
25 Xunu, 2020 por Redacción
- Inicie sesión o rexístrese pa espublizar comentarios
El gastrónomu David Castañón va ser reconocíu como Repunante d'Honor.
El Conceyu de Repunantes, presidíu por David M. Rivas, celebra esti vienres el so VII Congresu Nacional. La cita va tener llugar nel Abrelatas Restorán, en La Pola Siero, a les 21 hores.
En primer llugar va entamese l'actu d'entrega del Repunante d'Honor, que va comenzar con delles intervenciones enantes de que Castañón reciba l'espetu de plata. Darréu va celebrase una cena con platos y productos del país, pa finar col tradicional discursu del presidente.
Tolos socios d'esti coleutivu, asina como los asistentes que confirmaran asistencia, van recibir un diploma de participación.
Efrén d'Andrés
