La poesía pon el ramu al programa 'Asturianu en branu' de Grau

|
Cartelu recital de poesía 'Asturianu en branu' en Grau

Aida Escudero, Laura Marcos, Pablo X. Suárez y Javier Cayado participen nun recital.

El Serviciu de Normalización Llingüística de Grau-Candamu entama esti miércoles una actividá dientro'l programa 'Asturianu en branu', nacíu a pidimientu de los alumnos del cursu de llingua asturiana de Grau, que yá organizó un charra gastronómica y una visita guiada per Salcéu de calter etnográficu estos meses. La poesía va poner el ramu a esta iniciativa que nació pa crear "una rede constante d’actividades culturales n’asturianu a lo llargo del branu" y que de xuru va tener continuidá dao l'ésitu de participación.

La Casa Cultura va ser la sede d'un recital y alcuentru lliterariu a partir de les 19.30 hores na que van tomar parte persones bien reconocíes del mundu cultural asturianu pese a la so mocedá. Asina Marcos, El Suárez, Escudero y Cayado van lleer les sos creaciones nesti actu con entrada llibre y van aldericar colos presentes.

Contador Estadistiques