La plataforma “La Foz del Pielgu” de Corvera denuncia que’l muséu del Horru de Bueñu va facelu’l mesmu grupu empresarial que valtó los horros de Truyés

La Plataforma cultural "La Foz del Pielgu" de Corvera, que l'añu pasáu lluchó ensin llograr los sos oxetivos porque nun se echaren abaxo los horros de la parroquia de Truyés con motivu de la construcción nella del residencial "Los Balagares" alvirtió esta selmana que'l grupu Procoin, al que pertenez la constructora de Los Balagares, Dolabay-Erma, va ser l'encargáu de llevantar el "Centru d'Interpretación del Horru de Bueñu" (La Ribera). La plataforma calificó esta coincidencia de "otru sinsentíu más pa una rexón atacada de complexos" y denunció que "les mesmes promotores que, en dellos llugares d'Asturies faen desapaecer los hórros, resulta que n'otros sitios faen negociu con ellos"