La plataforma de sofitu a Cándido y Morala sigue coles sos actividaes a favor de l'absolución de los sindicalistes

La Plataforma contra la Represión y poles Llibertaes convoca esti martes una carvana de coches dientro de la campaña "1 céntimu contra la represión" pol pagu de les indemnizaciones que se-yos esixen a los sindicalistes Cándido González Carnero y Juan Manuel Martínez Morala, condenaos a castigos de presidiu y multes polos destrozos causaos a una cámara de Tráficu del Ayuntamientu de Xixón nes movilizaciones del sector navalde Xixón. La caravana, que va salir a les 7 de la tarde de la Casa Sindical de Xixón inxértase nes movilizaciones a favor de los dos sindicalistes, que van rematar esti xueves con una concentración énte la casa conceyu de Xixón onde van entregase les monedes que se lleven recaudaes. Les actividaes de la plataforma tienen llugar a pocos díes de que l'Audiencia Provincial dea les resoluciones de los recursos que se presentaron contra les dos sentencies del casu, una la que condenó a los sindicalistes y otra de la que salieron absueltos.