La pita tuvo esti sábadu con Areces

Con motivu de les obres n'Avenida Schulz de Xixón, el Presidente del Principáu, Vicente Álvarez Areces y l'Alcaldesa del conceyu, Paz fernández Felgueroso, celebraron estin sábadu un actu oficial d'inauguración al que, amás de los vecinos contentos pola obra y los comerciantes malcontentos pola falta d'aparcaderos, asistió la pita de la Xunta pola Defensa de la Llingua. Esti animal, que la Xunta presentó la selmana pasada na inauguración del cursu en secundaria llevaba-y al Presidente un recáu en forma de carta na que lu acusaba de ser tan cobarde como les pites al nun atrevese a dar la oficialidá, lo que supón una falta a la responsabilidá histórica que tien de nun dexar desapaecer l'idioma. Remembrando-y al presidente que'l 60% de los asturianos tan al favor de la oficialidá, la pita quería entrugá-y a Areces pa quien gobernaba, pero la seguranza del Presidente nun la dexó arrimase a la tarima. Sicasí, la pita prometió que taría na prósima inauguración oficial.