La participación ye mayor que nes eleiciones del 2007

El porcentaxe de persones qu’a les 18.15 hores depositaren el so votu foi del 51,33 por cientu, cantidá mayor que nel 2007 cuando a la mesma hora participaren un 49,29 por cientu de los eleutores. La circunscripción que tien más participación ye la oriental, con un 57,39 por cientu, una cantidá menor que la de les últimes nacionales, cuando votaren el 58,66 por cientu.
 
Na central y na occidental, les cifres aumentes en comparanza col 2007. Asina, na zona más poblada del país votaren la metá de los eleutores (un 50,02 por cientu), pol 47,06 por cientu de les eleiciones últimes. Mentes, n’occidente la participación ye del 56,23 por cientu, por 55,09 por cientu d’hai cuatro años.
 
Nel primer avance de participación, que se dio a conocer a les 14 hores, l’aumentu de participación n’Asturies yera similar: un 34,99 por cientu pol 32,88 por cientu del 2007.