La participación nes eleiciones, la más baxa de la historia

Les eleiciones anticipaes d’esti domingu tuvieron la participación más baxa de la historia, con un 55,02 por cientu, 11 puntos menos qu’en mayu. Les votaciones del 1991 manteníen la cifra menor, con un 58.69 por cientu.
 
La convocatoria d’eleiciones anticipaes n’Asturies nun consiguió movilizar al eleutoráu asturianu, como demuestren les cifres rexistraes, les peores de participación de la historia. Hai 10 meses, un 66,89 por cientu del censu acudió a votar, cifra similar a la de los años últimos. El númberu de votos nulos y blancos tamién descienden. Los primeros pasen del 1,44 por cientu al 0,85 por cientu, mentes que los segundos baxen del 2,60 por cientu al 1,44 por cientu.
 
Pa esplicar el descensu de los votos en blancu hai que destacar la participación nestes eleiciones d’Escaños en Blanco (Eb), formación que busca recoyer esti tipu de votu cola promesa de dexar l’escañu vacíu mentes la llexislatura nel casu d’algamar representación. Na so primer participación nunes eleiciones a la Xunta Xeneral, Eb algamó 4.095 votos, un 0,82 por cientu del total, pasando a ser la sesta fuercia más votada nel país.