La OTAN pon fin a la so misión en Libia siete meses depués d’aniciar les operaciones militares nel país

Anders Fogh Rasmussen, secretariu xeneral de la OTAN, desplazóse a Libia coinciendo cola fecha establecida pola Alianza pa terminar coles operaciones militares nel país. Algamaron el so oxetivu de terminar con Gadafi.
 
Los países de la OTAN ratificaron la so decisión de poner fin a la misión militar en Libia güei depués de que'l Conseyu de Seguridá de la ONX asina lo alcordara'l xueves pese al pidimientu del Conseyu Nacional de Transición (CNT) libiu de caltenela polo menos un mes más o hasta últimos d'añu, según confirmaron a Europa Press fontes diplomátiques. Los embaxadores de los 28 aliaos consensuaron la decisión nun conceyu del Conseyu del Atlánticu Norte (NAC), órganu máximu de decisión de l'Alianza, que duró malpenes una hora. Nella participaron los socios árabes que tomaron parte na misión: Qatar, Emiratos Árabes Xuníos y Xordania.
 
Tres esa decisión, Rasmussen visita’l país baxo control del CNT tres la toma de la capital y la muerte posterior de Muamar Gadafi’l 20 d’ochobre. Nesta medianueche, la Organización del Trataú Atlánticu Norte (OTAN), va dar por finalizada les operaciones militares en Libia de manera oficial. Detrás queden siete meses de batalla colos partidarios del ex mandatariu lubiu que principiaron el 27 de marzu.