La osa fería de gravedá evoluciona bien, anque’l so pronósticu ye reserváu

La viceconseyera de Mediu Ambiente, Belén Fernández, comunicó que la osa fería de gravedá “evoluciona dientro de la normalidá”, anque’l so pronósticu ye reserváu. Personal de la Fundación Oso Pardo atopó al exemplar en Ḷḷaron.
 
Fernández tamién señaló na rueda de prense ofrecida esta mañana qu’hai qu’esperar ente 24 y 72 hores pa hacer una valoración del estáu del animal, una osa de 15 meses y 30 quilos de pesu. Según la viceconseyera, la osa sufre una fractura d’isquion, cerca de la cadera, que podría daña la so capacidá reproductiva, anque’l traumatismu ye “recuperable dientro d’un procesu normal”.
 
Mentes, el diagnósticu en relación al so comportamientu neurolóxicu ye inciertu yá que la movilidá de la osa podría vese afectada. La impresión de los veterinarios ye que, en principio, l’animal nun padez esta afeición, “anque nun hai garantíes al cien por cien”, señaló Fernández. Dende Mediu Ambiente mantienen que les feríes provocóles l’ataque d’otru mamíferu, anque nun aseguran que fora un osu adulto y d’otra especie. Personal de la Fundación Oso Pardo atopó al animal en Ḷḷaron (Cangas del Narcea) con “un grau de delgadez importante, muncha deshidratación y feríes importantes a l’altura de la cadera”, aseguró la viceconseyera.