La ONU esixe una política seria contra'l SIDA

Celébrase estos díes en Barcelona la XIV Conferencia sobre'l SIDA. La enfermedá, de la qu'entamó a sabese a mediaos de los 80, infesta güei a 40 millones de persones nel mundu, les más en países del tercer mundu onde la población nun conoz como se tresmite la enfermedá nin los gobiernos tienen medios p'atayala. La ONU, que reclama que los países ricos se comprometan a dar más perres a campañes contra'l SIDA, yá que los 10000 millones d'euros que prometieren en Durban va dos años quedaron a la fin en 2.800. La ONU fai tamién una alvertencia, y ye que, lloñe de menguar, la epidemia del SIDA ta pa espardese más en continentes como África y Asia, amenazando tamién a la Europa del Este. De momentu, Asturies ta relativamente fuera del mapa del SIDA, anque l'añu pasáu diéronse 23 nuevos casos de portadores del virus.

Contador Estadistiques