La OK Lliga femenina va contar con trés equipos asturianos

|
AsturHockey ascensu a OK Lliga

Xixón, La Pola Ḷḷena y Grau van tener representantes la temporada próxima na OK Lliga femenina, la principal competición estatal de ḥoquei sobre patinos. Al Telecable Xixón y al Cuencas Mineras, que caltién la categoría al traviés del so filial, súmase l’AsturHockey.

La fase d’ascensu celebrada la fin de selmana pasada en Gasteiz finó col ascensu del filial del Cuencas Mineras y del AsturHockey. Compuesta por cinco equipos, los dos asturianos foron los meyores de los enfrentamientos direutos, dexando fuera a los gallegos Compostela y Berenguela y al anfitrión Aurrera tres vencer 3 partíos y sumar una única derrota.

D’esta forma Asturies va contar con 3 equipos na temporada 19-20 de la OK Lliga, ún más que n’actual, na que’l Cuencas Mineras perdió na categoría. Poro, esta va ser la edición con más formaciones asturianes de la historia de la competición, que comenzó nel 2008 con dos, el Telecable Xixón Solimar, actual campeón de Copa naquel tiempu Biesca por cuestiones de patrociniu, y el Club Patín Mieres.

Eliminatories pol títulu

La campaña próxima de la máxima categoría estatal de ḥoquei sobre patinos va contar con dos grandes novedaes. La principal ye l’afitamientu d’unes eliminatories pol títulu ente los cuatros primeros clasificaos de la temporada regular.

La otra va ser el númberu de descensos. De los dos actuales va pasase a trés.

Na semeya, la plantiya y cuerpo téunicu del AsturHockey celebra l'ascensu nel Ariznabarreko Kiroldegia de Gasteiz.

Contador Estadistiques