La Oficina de Política Llingüística d’Avilés organiza un cursu de lliteratura

La Oficina de Política Llingüística (Estaya de la Llingua) d'Avilés abre güei el plazu p'apuntase a un cursu de Lliteratura n'Asturianu empobináu a mayores de 16 años y que va celebrase ente'l 7 de mayu y el 12 de xunetu. El cursu tien 40 horas lectives y va desarrollase los llunes y los xueves n'horariu de tarde nel palaciu de Valdecarzana. Apuntase ye de baldre y da derechu a diploma acreditativu d'asistencia.

El cursu va dase a mou de talleres, faciendo un repasu a las distintes técniques de composición lliteraria, lo mesmo de poesía y narrativa que de teatru". Conocíos escritores, periodistes y persones del mundu del teatru van poner les clases d'esti cursu pal que tán abiertes les inscripciones na sede de la Oficina de Política Llingüística, asitiada na Casa de Cultura. El teléfonu ye'l 985 51 02 35, y el corréu electrónicu ye estayallingua@ayto-aviles.es.