La Nueve lleva la so propuesta musical a Fuso de la Reina

El grupu folk ḷḷenizu ufre'l so segundu conciertu nesta población uviedina.

La sidrería-restaurante La Nieta Pin programa esta actuación de La Nueve pa mañana, a les 23 hores, eventu que va dir precedíu d'una espicha nel aparcamientu del chigre. Esta celebración va dar comientu a les 19 hores y cuesta 15 euros, non asina como'l conciertu, que se va celebrar nel interior del establecimientu hosteleru y ye de baldre. Pa participar na espicha ye necesario acutar plaza nos teléfonos 985.79.81.62 o 689.977.216.

La Nueve ye una banda folk con menos d'un añu de vida que debutó'l mes pasáu en Cenera en direuto. Esta formación con orixe en Ḷḷena surde "como respuesta natural a la necesidá creativa d'un grupu comprometíu cola revalorización y reivindicación de la cultura popular asturiana", con recopilaciones recoyíes n’estudios del folclor ḷḷenizu, asturianu y d’otros llugares.