La Nueche Celta de Santolaya y el III Música nel Muséu programen seis conciertos folk

La música folk va protagonizar esta fin de selmana n’Asturies. En Santolaya va entamase una Nueche Celta con Llan de Cubel y Algaire, mentes que’l xixonés Muséu del Pueblu d’Asturies va acoyer el III Música nel Muséu con Felpeyu, La Bonturné, Baxel y Xe de Jota.

La primer cita va tener llugar esta nueche, a partir de les 21 hores. Entamada pola Direición Xeneral de Política Llingüística cola collaboración del Conceyu de Cabranes, va ser una Nueche Celta cola participación de la banda referente del folk asturianu, Llan de Cubel, y una de les formaciones que más tán dando de falar anguaño, Algaire.

Mañana la música va sonar, tamién de baldre, nel Muséu del Pueblu d’Asturies n’horariu vespertín. La institución entama’l III Música nel Muséu, que va axuntar a cuatro bandes nel tendayu.

Los primeros en tocar van ser los ribeseyanos Baxel, a les 17 hores, depués de vese obligaos a suspender l’actuación que teníen prevista enantes del branu, pa siguir a les 18.30 hores con La Bonturné. Otros clásicos, Felpeyu, van tocar a les 20 hores, pa pesllar la xornada Xe de Jota p’animar al baille.