La nave espacial Columbia españa al entrar n'atmósfera

El tresbordador espacial Columbia españó esta tarde al entrar n'atmósfera terrestre cuando diba aterrizar na base de la NASA en Florida. La nave llevaba a siete astronautes, daos yá por muertos, ente ellos el primer cosmonauta israelín de la historia. El Columbia la nave más vieya de les que tien la NASA, venía de cumplir la 28 misión dende 1.981, cuando estrenó la carrera d'esta triba de naves, les primeres recuperables depués de cada misión. Tres d'ella vinieron el Discovery, Atlantis, Endeavour y el Challenger, que protagonizó'l primer accidente grave de la NASA cuando españó en 1986 de la que despegaba de Cabu Cañaveral. Los cachinos del Columbia, que se desintegró, tan cayendo per tol estáu de Texas. Les primeres hipótesis del accidente van dende un fallu de la tripulación al maniobrar pa la entrada a l'atmósfera a un fallu de l'ala izquierda, que yá diere problemes en despegue. El Gobiernu americanu yá tien entamada una investigación pa esclariar la causa del accidente Pa más información apurrimos enllaces a los principales medios americanos como la CNN, Houston Chronicle y al estoyu de páxines sobre'l tresbordador espacial del proyectu DMOZ.

Contador Estadistiques