La música asturiana manda n'axenda d'ociu

La música asturiana y los monologos d'humor protagonicen l'axenda
d'ociu pa esti fin de selmana nel nuesu país. D'esti mou'l grupu de
música folk asturiana de proyección mas internacional,
Llan de Cubel, va actuar en Mieres
esti sábadu, concretamente nel Centru Cultural Cajastur a partir de les
20:00 h. Tamién vamos poder disfrutar de mas música fecho
n'Asturies. Y ye que dientro de les Fiestes de la Flor de La Pola L.lena, van
dar un conciertu True Kd Art, Xera y La
Bandina, dende les 22:30 h. nel barriu La Caleya. Siguiendo esti mesmo
día, anque cambiando dafechu de propuesta d'ociu, los monólogos
d'humor de les "Nueches de
Paramount Comedy" colos humoristes Don Mauro, Carolina Noriega y
Julián López van representase nel Teatru Xovellanos de
Xixón a les 20:30 h.

Yá'l domingu podemos siguir disfrutando de la música del
país. Asina nel Teatru Campoamor va celebarse a partir de les 11:45 h.
la primer xornada de la fase final del XV Concurso y Muestra de Folklore
“Ciudad de Oviedo”. Esti mesmo día pero pela tarde,
concretamente a les 20:00 h., continuen les actuaciones de les Fiestes de La
Flor de L.lena, nesti casu van actuar el grupu de música asturiana
Tuenda amás de Chalaneru Sound,
músicos intérpretes de ritmos reggae. Mas propuestes d'ociu na
nuesa axenda.