La muestra Miraes 2011 inaugúrase esti vienres nel Muséu Barjola

El Muséu Barjola de Xixón va acoyer dende esti vienres hasta’l 24 de xunetu la VII Muestra de l’Asociación Profesional de Fotoperiodistas Asturianos (APFA) Miraes 2011. La inauguración va celebrase a les 18 hores.
 
Esta esposición reúne un centenar de semeyes sobre la realidá asturiana feches por 40 fotógrafos d’Asociación Profesional de Fotoperiodistas Asturianos (APFA) nel añu 2010. Asina, van poder contemplase imáxenes rellacionaes colos conflictos llaborales, la cultura y la crisis económica, amás de fotografíes peculiares. Nesta sétima edición de la muestra, mantiénse’l volume de participantes del añu anterior.
 
Entes les fotografíes que van formar parte de la esposición destaca la presencia de la ganadora del VI Concursu APFA-Miraes Memorial Ramón González, que foi obra de Iván Martínez. Ésti profesional va recibir una pieza del artista Pablo Maojo como premiu mientres la inauguración de la muestra, que va tener llugar a les 18 hores nel Muséu Barjola. L’actu va contar cola presencia de Vicente Álvarez Areces, presidente d’Asturies en funciones; Mercedes Álvarez, conseyera de Cultura y Turismu en funciones; y Marcos León Jiménez, presidente d’APFA.