La moción de censura presentada por VOX namái algama'l sofitu d'un diputáu

Foro, siguiendo l'alcuerdu eleutoral col PP, astúvose na votación pa sustituyir a Pedro Sánchez como presidente por Ramón Tamames.

La segunda moción de censura de VOX nesta llexislatura tornó a fracasar. Namái contó col sofitu de los sos 52 diputaos y de Pablo Cambronero, ex de Ciudadanos agora nel grupu mestu, mentes que se rexistraron 201 en contra y 91 astenciones, les del PP, Navarra Suma y Foro.

L'independiente Tamames, ex diputáu pol PCE y IX, marchó satisfechu, conocedor previamente de que sería una iniciativa condenada al fracasu, al poder esponer la so visión política y xenerar alderique nel Congresu, según rescampló nes sos intervenciones, al igual que VOX nel so oxetivu de desgastar al PP. El restu de parllamentarios coincidieron en que la moción, que tuvo sesiones a lo llargo de tol día d'ayeri y esta mañana, resultó una perda de tiempu.

Na semeya, Tamames conversa con Santiago Abascal, líder de VOX y candidatu na anterior moción de censura presentada pol partíu ultraderechista.