La matriculación na rede pública en Secundaria y Bachilleratu supera a la de Primaria

Dio aniciu'l cursu nos institutos asturianos.

El 74 por cientu de los alumnos y alumnes qu'estudien Secundaria y Bachilleratu opten por centros públicos, cifra que supera a la de Primaria, onde se sitúa nun 71 por cientu. Esti cursu hai 29.860 alumnos matriculaos n'ESO y 9.108 na etapa preuniversitaria, lo que supón un total de 38.968 estudiantes, 110 menos que’l cursu pasáu.

Los centros públicos sumen 20.017 alumnos en Secundaria y 8.831 en Bachilleratu, mentes que nos privaos-concertaos inscribiéronse 9.843 y 277, de manera respeutiva. Genaro Alonso, conseyeru d'Educación y Cultura, inauguró esta mañana'l cursu nun actu nel IES de Pravia.