La Mancomunidá Comarca de la Sidra distingue a Xulio Vixil col premiu “Sonadía”

La Mancomunidá de la Sidra falló ayeri la primera edición de el xuráu de la primera edición de los premios "Sonadía" un reconocimientu col que quier distinguise a persones, entidaes y asociaciones que destacaren pol so llabor de sofitu a la llingua asturiana dientro de la Mancomunidá Comarca de la Sidra. L'escritor Xulio Vixil ye'l ganador d'esta primer edición del premiu.

Xulio Vixil (Bimenes 1964) ye autor de noveles como El Paraísu Blancu o L'Inmoral, amás de tener una presencia destacada en terrén de la reivindicación llingüística, militando n'entidaes como la Xunta pola Defensa de la Llingua Asturiana y andechando en proyectos como la emisora de radio n'asturianu Radio Sele.
Autor de trabayos sobre la toponimia y el fenómenu de la metafonía nel asturianu de Bimenes, Vixil ye ún de los collaboradores de la Fiesta de la Oficialidá y xuráu del Concursu de Cuentos pola Oficialidá. La entrega del premiu va facese'l próximu miércoles día 2 de mayu en centru cultural "San Xuan de Capistrano" de villaviciosa a partir de les 19,30 hores nun actu nel que van actuar los cantantes de tonada Tuya y Estrada, componentes del dúu "Astur".


La iniciativa del premiu foi del Serviciu de Normalizacion Llingüística d'esta Mancomunidá, en collaboración cola Conseyería de Cultura, Comunicación Social y Turismu, y nel xuráu qu'escoyó al ganador tuvieron el responsable del serviciu de normalización de Llangréu Eloi Antuña Zamarro, el responsable de cultura de Bimenes Daniel Cueli Canto, el conceyal d'URAS por Villaviciosa Xicu Xabel Díaz Yepes y Francisco de Borja Márquez.