La mancha del Cantábricu ta formada por restos d'algues

Según los primeros análisis fechos el llunes por operarios del Conceyu de Xixón.

L'alcaldesa Carmen Moriyón esplico na tarde d'ayeri que la mancha qu'apaeció na zona de mar comprendida ente Xixón y Villaviciosa nun presenta restos d'agües residuales, como se pensó nun primer momentu, sinón que ta formada por restos d'un tipu d'alga collorada, una especie invasora procedente d'Australia y Nueva Zelanda entemecida con espluma de mar y fragmentos xelatinosos que podríen corresponder a aguamales. D'esta forma descartaríase fugues nueves nel emisariu de Peñarrubia, que tresllada les agües residuales de la zona este de Xixón mar adientro.

D'igual forma, la primer edil de Foro anunció que pronto se pondríen en marchar los trabayos de reparación del emisariu a la espera de lo que va acontecer colar depuradora d'El Pisón, paralizada polos tribunales. De momento, la empresa Tragsa va entamar llabores de barimetría la selmana qu'entra cola fin de conocer si dichu emisariu ta desplazáu, como se sospecha, dato importante pa dar comienzu cola reparación.