La Lliga Celta entama una visita guiada al castru Picu Castiellu de Fozana

El doctor n'Arqueoloxía Alfonso Fanjul va encargase de les esplicaciones.

Esti sábadu, dientro del programa añal d'actividaes de la Lliga Celta d'Asturies, va entamase una visita guiada al castru y asentamientu tardoantiguu de Picu Castiellu de Fozana. La salida ta prevista pa les 11 hores de la puerta de la ilesia parroquial de Tiñana, pa facer un percorríu per una pista forestal dalgo pindia per un llargor d'unos 20 o 30 minutos.

Una vegada nel castru, Fanjul, que participó nes escavaciones, va guiar la vista pel mesmu. L'actividá ye de baldre y afayadiza pa persones de toles edaes, yá que la ruta nun requier de dificultá.

Dende la organización sí encamienten dir con calzáu apropiáu, yá que, por mor del agua que pue cayer estos díes, pue haber tramos enllamorgaos nel accesu al castru.