La Lliga Celta d'Asturies prepara una visita al castru de Chao Samartín

|
Cartelu visita al castru de Chao Samartín

L'arqueólogu y espertu nel xacimientu Ángel B. Villa Valdés va facer el llabor de guía.

Partícipe nes escavaciones del castru de Chao Samartín, mientres la visita Villa va esplicar los  finxos más interesantes del so orixe, población, estructura y afayos arqueolóxicos atopaos nes escavaciones, ente otres munches cuestiones. L'actividá va concluyir con un paséu pel muséu y la llectura d'un manifiestu sobre patrimoniu históricu a cargu de Fernán Morán, presidente de la Lliga Celta d'Asturies, coleutivu qu'entama esta salida y que ye bien críticu, al igual que l'arqueólogu y otros munchos espertos, col Proyeutu de Consolidación del Xacimientu Arqueolóxicu del Chao Samartín qu'impulsa'l Conceyu de Grandas de Salime col sofitu del Gobiernu y que cuenta col refugu de tola oposición.

La visita ta prevista pal día 21 ente les 11.30 y les 13.30 hores. Darréu los asistentes tienen la posiblidá d'acudir a una xinta en comuña en dalgún de los restoranes de la zona.

Esta actividá ye baldre y namái ye necesario pagar la entrada al muséu. Los precios son de 4 euros, p'adultos; de 2,50 euros pa mayores de 65 años; y de 1,50 euros pa rapacines y rapacinos de 5 a 16 años.

P'acutar plaza ye necesario contautar cola Lliga Celta d'Asturies al traviés del corréu electrónicu lligaceltadeasturies@gmail.com.

Contador Estadistiques