La llei d'internet entró esti sábadu

Como yá anunciáremos va delles selmanes, Kriptópolis, la publicación electrónica que taba valiendo pa espeyar toles voces crítiques a la Llei d'Internet y Servicios Electrónicos qu'empobina'l gobiernu del Partíu Popular, peslló hasta que la llei entrare en vigor esti doce d'ochobre. Kriptópolis, onde se califica la llei como "sentencia de muerte de la internet llibre" tuvo cerca de seyes millones de páxines descargaes mientres duró la campaña contra la LSSI, y suponíase que tenía de volver a funcionar dende güei baxo un formatu nuevu, pero lo cierto ye que la cosa nun echó a andar y Kriptópolis namás enseña güei qu'una llista de les cerca de cien webs que van trancando en solidaridad con ellos, ente les qu'hai de too, dende agrupaciones polítiques como les Xuventúes Socialistes hasta tiendes de muebles.N'Asturies, Izquierda Asturiana ta faciendo una campaña de firmes contra la LSSI na que se-y pide a la Xunta Xeneral del Principáu que reclame la inconstitucionalidá de la llei. Pues conocer más sobre esti asuntu nel web d'IAS y tamién nesti artículu del selmanariu Les Noticies