La Llegra entama una campaña de recoyida de donaciones llueu d'un ataque nuevu al so llar

L'últimu tuvo llugar la nueche del 30 d'avientu.

Con una verxa frayada al facer palanca con un tablón y una ventana afeutada. Asina alboreció'l domingu l'uvieín Llar La Llegra depués del últimu de los ataques que vien careciendo dende la so inauguración.

Unos estrozos que lleven a los miembros d'esti espaciu a solicitar sofitu económicu pa igualos. Pa ello entamaron una campaña de recoyida de donativos na plataforma Gofundme, qu'en 24 hores lleva recaudaos 1.926 euros, cantidá mui cercana a los 2.100 nos que se calcularon los daños.