La iniciativa 'Nueche en danza' torna a La Nueva na celebración del so segundu aniversariu

Esta población llangreana acoyó la primer edición d'estes xuntances pa baillar.

El 14 de marzu del 2015 celebróse la primer Nueche en Danza col oxetivu d'ufierta un espaciu pa baillar, tocar y cantar ensin más pretensión que pasalo bien. L'ésitu de la mesma provocó que los sos promotores treslladaren esta celebración de manera periódica a otros llugares, promoviendo asina'l baille y la música asturiana per tol país.

Mañana, dos años depués d'aquella pionera celebración, La Nueva torna acoyer una Nueche en Danza. Va ser a les 22.30 hores nel centru social de l'Asociación Cultural y de Vecinos San Luis.