La II Gran Limpieza de Fondos Marinos retira más de 1.250 quilos de basura en Cuideiru y Llanes

|
II Gran Limpieza Nacional de Fondos Marinos en Cuideiru Grupo Ensidesa de Actividades Subacuáticas (Grupo GEAS)

El Grupo Ensidesa de Actividades Subacuáticas (Grupo GEAS) y Club León Sub consiguieron retirar más de 1.250 quilos de basura del fondu marín de Cuideiru y Llanes, de manera respeutiva. A nivel estatal recoyéronse diez tonelaes, seis más que l’añu pasáu.

Estos dos clubes, que formen parte de la Red de Vigilantes Marinos qu’entama esta iniciativa xunto con Ecoembes y Trasmediterranea, acudieron na mañana del domingu a los puertos de les dos villes asturianes cola fin de llimpiar el fondu marinu. Nel cai pixuetu participaron unos sesenta buzos voluntarios, sacando a tierra más d’una tonelada de residuos. Ente ellos destacaron, pol so pesu, dellos oxetos metálicos con un pesu total de 400 quilos.

Mentes, en Llanes, la llimpieza fíxose tanto nel puertu como fuera del mesmu, estrayendo 250 quilos de basura, con mayoría de plásticos, vidros y llates, anque tamién se sacaron artes de pesca, materiales de construcción como azulexos y hasta una caxa fuerte. Poro, l’esfuerciu de los buzos asturianos y lleones permitió retirar más de 1.250 quilos del nuesu fondu marín.

La campaña, que se repitió esta fin de selmana n’otros dieciocho puntos del Estáu, fina con un total de diez tonelaes recoyíes, doblando les cifres del añu pasáu, cuando la cantidá de basura que se sacó de la mar foi cuatro tonelaes.

Na semeya, buzos del Grupo GEAS con parte de la basura retirada del fondu marín del cai de Cuideiru.

Contador Estadistiques