La hostelería tira polos precios n'Asturies

La web del Institutu Nacional d'Estadística colgó los últimos datos del índiz del IPC, que xubió n'Asturies un 0,4 n'avientu y el 3,8% nel añu 2.002, un total que queda dos décimes perbaxo de la media nacional. L'estudiu de los datos de precios nel añu destapa, a lo menos en parte, los efectos de la entrada del euro, y ye que la hostelería foi quien más tiró polos precios n'Asturies, con un 6% de xuba nel grupu de cafés, hoteles y restoranes, dos décimes más que la media del estáu. El tresporte, col 5% y alcohol y tabaco, col 4,3%, completen la llista de grupos que más s'encarecieron a lo llargo l'añu.