La historiadora uvieína María Álvarez Fernández gana’l premiu Juan Uría Ríu

La historiadora uvieína María Álvarez Fernández ye la ganadora del prestixosu premiu Juan Uría Ríu, del que s'emitió ayeri'l fallu de la so XXVIII. El trabayu d'investigación "Oviedo a finales de la Edad Media: morfología urbana y concejo" foi'l meyor pal xuráu d'ente los siete qu'optaben al reconocimientu, dotáu con 6.000 euros.

María Álvarez Fernández , autora de dellos estudios sobre'l Medievu n'Asturies, recibió'l premiu por una nimidá d'un xuráu nel que taben presentes la xefa del Serviciu de Promoción Cultural de la Conseyería de Cultura Ángeles Cigarría Álvarez, y les profesores Julia Barroso Villar, María Josefa Sanz Fuentes y Serafina García García. Nel fallu reconózse la consistencia metodolóxica del trabayu, la so estructura ordenada y coherente, y la bayura de documentación inédito procedente d'archivos mui variaos cola que se trabayó pa ellaborar el testu.