La hidroeléctrica tranca oficines

Tres la venta de la Hidroeléctrica a los sos nuevos dueños, la empresa ta apretando'l cinchu un poco más col enfotu de recortar gastos. Anque la eléctrica asturiana ye de les que da meyor serviciu en tola península gracies a la bayura de fluidu que tien, les estayes d'averíes y atención al cliente tan menguando los sos servicios. Ello ye que la eléctrica asturiana participada por entidaes públiques como Caxastur, quier agora trancar les oficines d'atención al cliente que tien en conceyos tan importantes como Cangas del Narcea, Llanes, Grau, Les Arriondes, Villaviciosa y Llangréu. A cuenta d'esti asuntu, el grupu parlamentariu d'Izquierda Xunida na Xunta Xeneral del Principaú presentó una proposición non de llei solicitando al Gobiernu asturianu que-y pida a la compañía eléctrica que recule nesta decisión