La hestoria de la filosofía n'asturianu

Dende hai unes selmanes ya ta disponible na nuestra llingua'l primer manual de filosofía. L'antropólogu y académicu Roberto González-Quevedo ta acabante d'asoleyar el so últimu trabayu, "Hestoria de la filosofia", un llibru que quier ser una introducción a la historia del pensamientu humanu.

Dende hai unes selmanes ya ta disponible'l primer manual de filosofía en llingua asturiana. L'antropólogu y académicu de la llingua Roberto González-Quevedo ta acabante d'asoleyar el so últimu trabayu, "Hestoria de la filosofia", un llibru que quier ser una introducción a la historia del pensamientu humanu. D'esti mou, l'autor fai un repasu al traviés de casi 800 páxines de los pensadores y corriente filosófiques occidentales más importantes nun recorríu qu'emprincipia hai más de 2.500 años y que termina nes escueles filosófiques del sieglu pasáu.

González-Quevedo ye autor de dellos ensayos y llibros de poesía y relatos asina como responsable de la revista "Cultures. Revista Asturiana de Cultura", editada pola Academia de la Llingua.