La Fundación Belenos presenta’l so seminariu añal

L'alcuentru qu'organiza'l colectivu d'estudios etnográficos va centrase nesta VI Edición nel analís de l'Asturies de la Edá del Fierro.

"L'Asturies de la eda del fierro nel marcu de la celtica europea" ye'l títulu del VI Seminariu d'estudios asturianos de la Fundación Belenos, que'l conceyu d'estudios editor de la revista "Asturies memoria encesa d'un país" va celebrar en La Puela d'Ayande'l fin de selmana del 26 y el 27 de payares. Ástur Paredes y Inaciu Llope
en representación de la organización, van presentar los conteníos del selminariu esta tarde a les 7 nel Club de Prensa de la Cai Calvo Sotelo d'Uviéu.


Pa falar d'esta dómina histórica la Fundación va llevar hasta la Puela a un grupu de ponentes de primer nivel. Ente los nomes que van participar nesti VI Seminariu van tar
Martín Almagro Gorbea, Académicu Anticuariu de la Real Academia Española de la Historia y que va esponer el contestu xeneral de la Edá del Fierro. Tres d'elli va intervenir l'Arqueólogu Alfonso Fanjul Peraza, que va dar una conferencia na que va tratase la "Estructura del poblamientu n'Asturies de la Edá del Fierro". Jesus F. Torres Martinez pela so parte va esponer los sos conocimientos sobre la "Tecnoeconomia n'Asturies de la Edá del Fierro" mientres que la última ponencia va dala l'arqueólogu de la Conseyería de Cultura Jorge Camino, que, dempués de que los demás ponentes dibuxaren el panorama de l'Asturies prerromana, va precisamente a tratar dellos aspectos sobre la conquista romana y l'impactu de la mesma na sociedá, cultura y economía asturianes d'aquel tiempu.


Una folixa popular nel "Café Centro" de la Puela na que se cuenta cola participación de la banda de gaites "El rapigueiro" y de los músicos de la bandina "Aires del palo" va echá-y el piesllu a la xornada del sábadu, quedando acutáu el domingu pa un conceyu abiertu ente tolos asistentes que va celebrase nel marcu del Castru San Chuis, ún de los centros más importantes pa conocer la Edá del Fierro y que ta abiertu al públicu va poques feches. La matrícula tien un preciu de 36 euros, y con ella vien un descuentu especial p'agospiase na pensión y restorán "La nueva Allandesa" al preciu especial de 54 euros en réxime de pensión completa.