La Foz, pueblu exemplar d'Asturies

Arriendes de los famosos Premios, la Fundación Príncipe d'Asturies entrega tolos años el distingu al Pueblu exemplar d'Asturies. Esti añu el premiu llevolu la Foz, nomada localidá del conceyu de Morcín, allugáu al pie del Aramo y ún de los más escaecíos tres la crisis del carbón, pegoyu de la economía local xunta la ganadería. Anque ta bien cerca de la capital d'Asturies, La Foz y Morcín entero sufren un despoblamientu que nun sedrán a atayar los 25.000 euros del premiu, pero la tradición llechera y quesera, que s'enseña nel Muséu de la Llechería y el certame del quesu d'Afuega'l Pitu ye l'exe identitariu d'un conceyu qu'estos díes aprovecha'l tirón del pasu de la Vuelta a camín de l'Angliru pa dase a valer.Amás del quesu y la lleche, Morcín tien un patrimoniu históricu interesante de conocer. Dende'l Turruxón de Peñerúes hasta les ilesies del Monsacro, a les que s'atribúin rellaciones colos templarios, la concesión d'esti premiu nun dexa de ser una bona escusa pa conocer el conceyu.

Contador Estadistiques