La Fiscalía pide cárcel ensin fianza pa los ex conseyeros del Govern

Pal dimitíu Santi Vila solicita prisión evitable baxo pagu de 50.000 euros. L'ex presidente catalán Carles Puigdemont nun se presentó a declarar y sigue en Bruxeles.

Nueve de los catorce ex miembros del Gobiernu de Catalunya acudieron güei a l'Audiencia Nacional pa prestar declaración énte la xueza Carmen Lamela tres la querella presentada pol fiscal xeneral del Estáu, Juan Antonio Maza, por rebelión, sedición y malversación. Toos ellos respondieron sólo a les entrugues de los sos abogaos, cola esceición única de Vila, el conseyeru que dimitió hores enantes de la votación de la independencia nel Parlament.

La Fiscalía pide pa los nueve cárcel ensin fianza, cola esceición única de Vila, que debería pagar una fianza de 50.000 euros. Mentes, nun se presentaron a declarar Puigdemont y los ex conseyeros Lluís Puig, Antoni Comín, Meritxell Serret y Clara Ponsatí, que siguen en Bruxeles, pa los que se pide orde de busca y captura.

Otra manera, los miembros de la Mesa del Parlament acudieron a declarar al Tribunal Supremu. Finalmente, nun se celebró la vista, que se retrasa una selmana por pidimientu de los abogaos pa tener tiempu pa preparar la defensa. Hasta'l día 9, los seis acusaos van tar baxo control policial a pidimientu de la Fiscalía.