La familia Couso, "indignada" col Gobiernu por collaborar con EE.UU

La familia del cámara de Telecinco José Couso, muertu en Bagdad el 8 d'abril del 2003 polos disparos d'un tanque estaounidense mientres la Guerra d'Iraq, espresó la so "indignación" antes los informes daos a conocer por Wikileaks.

Nellos desvélase qu'EE.UU presionó a España pa frenar la investigación sobre la muerte de Couso, y reconoció qu'esto-yos da "fuerza pa siguir col casu" y se conoza "la verdá".
  
En declaraciones a Europa Press Televisión, Javier Couso, hermanu de la víctima, señaló que se sienten "indignaos" al constatar que tanto'l Gobiernu d'España como la Fiscalía Xeneral del Estáu "en cuenta de defender la soberanía nacional y investigar lo que-y asocedió a un ciudadanu español pónense al serviciu d'una potencia estranxera y tapecen la verdá".