La FADE gana na Cámara d'Uviéu

Les Cámares de Comerciu asturianes vivieron esta selmana un procesu electoral más revueltu qu'otros años, polo menos n'Uviéu, onde'l presidente de la FADE, Severino García Vigón, ganó la batalla al anterior presidente Jesús Serafín Pérez. La entrada de Vigón, col sofitu de les grandes empreses asturianes representaes na FADE, supón la fin d'una resquiebra ente dos grandes bloques patronales mediante la desapaición d'un d'ellos. Ente los 33 votos sobre 50 que-y dieron el cargu a Vigón tan los de les empreses del Grupu Orejas (Los álamos, Química del Nalón) Caxastur o Hidroeléctrica y les patronales de la madera y
la hostelería.

Mientres, los presidentes de les cámares de Xixón y Avilés, Guillermo Quirós y Antonio Sabino, renovaron tranquilamente los sos cargos. Nel casu de Quirós, el tar rellacionáu col casu d'importación illegal de carbón pa la Mina de La Camocha parez que nun tuvo nengún efectu na so capacidá d'axuntar les voluntaes empresariales, porque salió col 94% de los votos.

El trunfu de Vigón ye tamién el trunfu de los empresarios qu'apostaron pol modelu de la FADE, qu'agora tratará, si non de fusionar, sí de rellacionar más les tres cámares ente elles y estes cola FADE

Contador Estadistiques