La faba del sieglu XXI

Mientres el procesu de denominación d'orixe pa la sidra va p'alantre a toa priesa, otru de los productos asturianos más emblemáticos, la faba, entra tamién pel camín d'estandarizar la producción. Ello ye que'l Serviciu d'Investigación y Desarrollu Agrícola va repartir ente un grupu de productores especializaos la primer semiente de Xana y Andecha, les dos clases nueves de faba qu'agora tendrán de reproducir pa, nel añu 2.004, tener cantidá abondo que comercializar ente los productores de faba, qu'hasta agora nun teníen variedaes de semiente certificao. El Serida promete qu'estes dos clases de faba danse meyor que les que s'empleguen normalmente, rindiendo hasta un 30% más de producción.