La esposición 'Voces' fai parada en Xixón

|
'Voces' en Xixón

Va abrir les sos puertes hasta'l día 29.

'Voces. La llingua n’Asturies al traviés de los sieglos’, l'amuesa itinerante entamada pola Direición Xeneral de Planificación Llingüística y Normalización, yá ta instalada nel patiu del Centru de Cultura Antiguu Institutu de Xixón tres tar espuesta en Cangas del Narcea mientres la Universidá Asturiana de Branu (UABRA). Ayeri tuvo llugar la presentación, na que Xulio Viejo, coordinador de la mesma, definióla como “una referencia importante pa la sociedá asturiana pa conocer el patrimoniu de so”.

Y ye que les persones que s'averen a la esposición van poder conocer la historia social y cultural d'Asturies al traviés del llinguaxe, dende la prehistoria hasta anguaño. Amás, tamién pueden participar en dalguna de les cuatro visities guiaes programaes: güei (11 hores), el miércoles 21 (18 hores), el vienres 23 (11 hores) y el miércoles 28 (18 hores).

Pa ello han d'acutar plaza al traviés del corréu electrónicu llinguaasturiana@xixon.es. L’horariu de visita a 'Voces' ye de 9 a 21.30 hores, de llunes a vienres; de 10 a 14 y de 16 a 21 hores, los vienres; y de 10 a 14 hores, los domingos.

Contador Estadistiques