La esposición sobre la indumentaria tradicional del oriente apuerta a la Casa Cultura de Llanes

|
Esposición 'Indumentaria tradicional del Oriente de Asturias' en Llanes

La muestra de paxellos pertenecientes a la coleición de Javier Emperador estrenóse'l xunu pasáu nel Muséu del Pueblu d'Asturies.

L'Asociación de Amigos de la Indumentaria Tradicional, en collaboración cola coleición Javier Emperador y el Conceyu de Llanes, tien yá preparáu'l motaxe de la esposición 'Indumentaria de tradición nel oriente d'Asturies, 1880-1920. Coleicion de Javier Emperador', que va llevar nesta ocasión el nome de 'Indumentaria tradicional del Oriente de Asturias… Por la pinta son de Llanes'. Ésta va inaugurase mañana coincidiendo col Día Internacional de los Museos y ta previsto que se caltenga na villa per cuatro años.

L'horariu de la Casa Municipal de Cultura de Llanes ye de 17.30 a 21 hores, de martes a vienres, y de 11 a 13 y de 17 a 21 hores, los domingos. Nos díes próximos el Conceyu va anunciar la fecha na que se va programa un percorríu esplicativu pela mesma conducíu por Emperador, que va detallar les carauterístiques de la muestra y de los traxes y indumentaria recoyíos nella, una trentena de vistíos pa trabayar, pa poner a diariu, pa la fiesta y pal llutu.

 

Contador Estadistiques