La escuela pública fai fuelga contra les reválides

Esti miércoles dende Infantil a Bachilleratu.

La Confederación Española de Asociaciones de Padres y Madres de Alumnado (CEAPA), a la que pertenez l'asturiana FAPA Miguel Virgós, y el Sindicatu d'Estudiantes convoquen esta fuelga a nivel estatal contra esta prueba al final de la ESO y de Bachilleratu por entender que nun respeta'l derechu a la educación al alumnáu, calificando les reválides de "perverses". En total son 150.000 los alumnos de tolos ciclos educativos non universitarios los que tán llamaos a nun acudir mañana a clase.

Los sindicatos educativos tamién sofiten esti paru y llaman a la ciudadanía a participar nes protestes convocaes mañana n'Uviéu y en Xixón. Al meudía, na plaza d'España y na del Institutu (El Parchís), de manera respeutiva, van concentrase los estudiantes. Mentes, a les 18 hores na uviedina Estación del Norte (Renfe), va celebrase la marcha xunitaria. Esti paru tamién cuenta col sofitu de Podemos Asturies y la Xunta Estudiantil Asturiana.