La Escuela de Música Tradicional Villa de Xixón celebra’l conciertu fin de cursu na Plaza Mayor

La Plaza Mayor de Xixón va ser sede na tarde del vienres, a partir de les 19 hores, del conciertu fin de cursu de la Escuela de Música Tradicional Villa de Xixón. Nél van participar más de cien alumnos y alumnes.
 
D’esta forma, la Escuela de Música Tradicional quier celebrar el fin del cursu d’una manera especial, al igual que fixo nel 2009 con motivu de los actos del so décimu aniversariu. Nesta ocasión, los presentes van poder contemplar l’actuación de les dos bandes de gaita de la escuela y l’estrenu d’otra nueva, la Banda Gaites Seronda de Xixón, formada por persones mayores.
 
La Escuela de Música Tradicional Villa de Xixón tien más de 100 alumnos qu’imparten materies como gaita asturiana, percusión tradicional, flauta travesera, guitarra, baille tradicional p’adultos y neños, acordión diatónicu, pandereta, violín, percusión moderna, música y movimientu, llinguaxe musical o folclor. Xerme de la Banda Gaites Villa de Xixón, a ella acuden persones de toles edaes.