La Escuela de Baille Tradicional San Félix abre esti sábadu’l cursu

Yá ta abierta la matrícula pa inscribise a los cursos qu’entama la Escuela de Baille Tradicional San Félix de Candás. Los primeros en principiar les clases van ser los rapacinos y rapacines de más de 5 años, esti sábadu.
 
Los pequeños van recibir clases, d’una hora de llargor, tolos sábados a partir de les 11 hores nel llar de l’asociación, asitiáu en La Baragaña, siendo esti sábadu la sesión inaugural. Mentes, los adultos van tardar cinco díes más en dar entamu al cursu, el xueves 6 d’ochobre a les 19.30 hores. A esta mesma hora van desarrollase les clases de noventa minutos de llargor hasta’l mes de mayu.
 
El preciu de la matrícula ye de 10 euros mensuales, pa los más pequeños, y de 20 euros, pa los adultos. El plazu pa inscribise termina’l mesmu día de la sesión inaugural.