La EPA conseña 3.700 paraos más n'Asturies

El númberu de paraos rexistraos na Encuesta de la Población activa n'Asturies (EPA) xubió en 3.700 persones nel primer trimestre del añu 2006, un datu qu'asitia la tasa de paru nel 10,23 por cientu y que dexa la llista de paraos nes 47.400 persones nun contestu en que'l paru xubió en tol estáu en 94.500 persones, el 5,13%, cerca de trés puntos menos de la xuba asturiana, que foi del 8,04% respective al trimestre anterior. Con too y con ello, la interañal de la EPA foi positiva, conseñándose respective al mesmu trimestre del 2005 una baxada del paru del 6,22 por cientu. La población activa asturiana nesti primer trimestre del 2006 foi de 463.000 persones, 15.300 más que va un añu, y d'elles taben ocupaes 416.200, 18.400 más que nel 2005.