La entrega de los premios AMAS foi un homenaxe a Felpeyu

La ceremonia d'entrega de los premios AMAS, que se dieron esti vienres nel teatru Filarmónica d'Uviéu, tuvo protagonizada pol homenaxe al grupu de folk Felpeyu, que perdiera l'añu pasáu nun accidente de tráficu a los sos componentes Igor Medio y Carlos Redondo. Amás de les palabres d'alcordanza de munchos de los premiaos pa con ellos, el premiu AMAS d'honor reconoció la trayectoria d'esta banda asturiana. Ruma Barbero, que garró'l premiu en nome de los demás miembros de Felpeyu, aprovecho la ocasión pa pidir meyores condiciones de trabayu pa tolos músicos, denunciando col accidente qu'ellos mesmos sufrieron, la mala situación llaboral que sufren los músicos asturianos.

Los hermanos Tejedor foron los grandes trunfadores de la nueche, recoyendo los premios a meyor cantar y meyor discu de folk. Otros grupos como Alto Volto, que foron meyor discu de rock y meyor baxista, tamién repitieron premiu dientro d'una llarga llista de premiaos. Dende grupos como Amon Ra y Warcry a cantautores como Pablo Moro, pasando pel jazz d'Isaac Turienzo, la gala tuvo premios pa tolos estilos dientro de la música que se fai n'Asturies. El premiu al meyor vídeu musical del añu foi tamién pa un grupu de folk, La Bandina, que llogró'l reconocimientu al tema "La caleya" lleváua imáxenes por Juan Tizón y Javier Lueje nun prestosu vídeu que baltó marques d'audiencia de la que s'estrenó n'Asturies.com