La encuesta electoral de “El Mundo” da-y el trunfu a Ovidio Sánchez

El diariu "El Mundo" asoleyó esti fin de selmana una encuesta sobre les elecciones autonómiques que se dio a conocer en dos partes, la primera el sábadu, analizando la intención de votu nes comunidaes gobernaes pol PP, y la segunda, el domingu, nes comunidaes gobernaes pol PSOE. Ellaborada pola empresa Sigma - dos , la encuesta coincide nes más de les autonomíes colos pronósticos de la encuesta del Centru d'Investigaciones Sociolóxiques, menos nel casu d'Asturies, onde Sigma-dos abre la puerta a un posible reblagu en votos del PP que-y permitiría ganar les elecciones n'Asturies y facelo hasta con mayoría absoluta de 23 diputaos. Con 21-23 escaños pal PP, 18-20 pal PSOE y cuatro pa IX-BA-LV, la encuesta de El Mundo estrémase de la del CIS, qu'albidraba'l trunfu del PSOE con 21 escaños, ún menos de los que llograre nel 2003, mientres que'l PP quedaría nos 19 actuales y IX xubiría de 4 a 5