La emigración podría dar un vuelcu a la situación y quitar un escañu a Foro pa da-ylu al PSOE, lo que permitiría a UPyD ser llave de gobiernu

El PSOE podría ganar un escañu pela circunscripción occidental col votu de la emigración que sería clave pa gobernar el país al perdelu Foro. Nesti casu, UPyD sería llave de gobiernu pese a tener namái un diputáu.
 
Esta situación nun ye complicada, yá que de repetise los resultaos del votu emigrante del añu pasáu, l’escañu sería pal PSOE. Asina, los socialistes sumaríen 17, que sumaos a los 5 d’Izquierda Xunida y el d’UPyD daríen 23 escaños por 22 que sumaríen PP y Foro.
 
Nel occidente tán en xuegu 6 escaños que, según la Llei d’Hondt repartiríense en dos pal PSOE, PP Y Foro. Sicasí, de sumar 173 votos más ente la emigración con respeutu a la fomación de Francisco Álvarez-Cascos, el sestu parllamentariu correspondería-y a los socialistes.