La DXT va intensificar los controles de velocidá esta selmana

Dende esti llunes y hasta'l domingu, la Direición Xeneral de Tráficu (DXT) va entamar una campaña d'intensificación de los controles de velocidá. D'esta forma pretender prevenir accidentes y concienciar a los conductores sobre'l peligru de dir rápido.

Esta midida ta dientro d'una serie d'iniciatives que la Xunión Europea afala a siguir a los estaos miembros en materia de cumplimientu del códigu de la circulación y la construcción y mantenimientu de les infraestructuras, a lo qu'hai que sumar l'entamu de campañas de educación y sensibilización pa reducir l'accidentalidá viaria. Una d'eses midíes ye la que güei pone en marcha la DXT cola velocidá.

Trátase d'una campaña de siete días de duración pa recordar a los conductores la importancia de respetar les llendes de velocidá y pa comprobar que se cumplen los establecíos pa cada vía. Ye de destacar qu'estos controles van facese non sólo nel Estáu, sinón qu'otros 25 territorios europeos tamién van entamalos esta mesma selmana.

300 muertes al añu nel Estáu

Según la DXT, la velocidá ta detrás d'accidentes que provoquen una media de 300 muertes al añu nel Estáu. "Circular a una velocidá adecuada podría evitar una cuarta parte de los fallecíos n'accidente de tráficu", alvierte.