La 'cultura, cooficialidad y reforma estatutaria' va protagonizar un bloque del alderique de TPA

|
Alderique TPA candidatos eleiciones Nacionales

Participen nél los candidatos de los 6 partíos con representación na Xunta Xeneral y VOX.

L'editor d'informativos de la TPA, Ignacio Monserrat, va moderar esta nueche, dende les 22 hores, l'alderique eleutoral de les Nacionales del domingu na televisión pública. Los aspirantes a la presidencia del país van amosar les sos postures en cinco bloques temáticos, siendo'l cuartu'l de 'cultura, cooficialidá y reforma estatutaria'.

Primero va falase de la 'política industrial', pa siguir con 'infraestructuras, movilidad y área metropolitana' y 'mundo rural y crisis demográfica', y finar con 'servicios públicos'. Los convidaos a participar nel alderique son los candidatos seis partíos con representación na Xunta Xeneral, al que l'ente públicu de comunicación añade al estraparllamentariu VOX, con representación nel Congresu por Asturies: Adrián Barbón (FSA-PSOE), Teresa Mallada (PP), Lorena Gil (Podemos), Ángela Vallina (Asturies pela Izquierda), Carmen Moriyón (Foro), Jesús Antonio Vázquez (Ciudadanos) y Ignacio Blanco (VOX).

Na semeya, Blanco, Moriyón, Barbón, Gil, Monserrat, Mallada, Vázquez y Vallina esta mañana, momentos enantes de la grabación del alderique.

Contador Estadistiques