La Copa Federación va principiar el 7 d'agostu

|
Neños sortéu Copa Federación 2022-2023

El CIDAN acoyó'l sortéu de los cuatro grupos de la competición que va tener a Las Tolvas como sede de la final y de les semifinales.

La fase autonómica de la Copa Federación va arrancar el 7 d'agostu y va allargar la so primer fase hasta'l día 24. El ganador va tener plaza pa la fase estatal, que da cuatro puestos na edición de Copa d'esti añu.

Nel grupu A quedaron encuadraos el Llanera, l'UC Ceares y L'Entregu; nel B, l'UP Langreo, el Llanes y el CD Praviano; nel C, el CD Marino, el Colunga y el CD Tuilla; y nel D, l'Avilés Industrial, el Caudal y el CD Covadonga. Los ganadores de cada grupu clasifiquen pa semifinales, que van celebrase a partíu únicu en Las Tolvas los díes 27 y 28, al igual que la final, el 8 de setiembre.

El campu del Real Titánico acueye esti añu los trés choques decisivos de la competición por mor de la celebración del 110 aniversariu de la fundación del club Titanic.

Contador Estadistiques